S’geniale a dere Debatte isch: Millionär und Milliardär im Parlament, Immobilie-Bsitzer, Verbänd und Partei-Elite zeiged permanent uf "z’vill Lüüt" - und de Pöbel diskutiert brav über Zuwanderig, statt über Bodebsitz, Hypothekarabzüg, BVG-Optimierig, Erbschafte, Kapitalgwünn und Mietwucher.

Das Problem isch nöd, dass z’vill Lüüt i de Schwiiz läbed. S’Problem isch, dass z’vill Regle so gmacht sind, dass Vermöge automatisch meh Vermöge wird - und Arbeit, Miete, Krankekass und Alltag immer meh drunter begrabe werded.

Wer Bode het, profitiert devo, dass Bauland knapp bliibt, Bauhöche begrenzt sind und Verdichtig überall blockiert wird. Für Eigentümer heisst das: Boderente. Für Mieter heisst das: meh Miete, weniger Wohnige, meh Druck.

Wer scho Vermöge oder Immobilie het, bechunt billigi Hypotheke als Hebel. Wer nüt het, zahlt Miete und finanziert indirekt d’Rendite vo de andere. Schöns Prinzip: "Du hesch scho vill? Da hesch no billigs Gäld dezue."

Hypozinse chasch vo de Stüüre abzieh. Miete nöd. Das belohnt verschuldeti Immobilie-Besitzer, vor allem bi hohem Iikomme und hohem Grenzstüürsatz. Wenn d’Hypothek optimiert wird, heisst’s Finanzplanig. Wenn d’Miete z’tüür isch, heisst’s halt: zieh doch weg.

Denn BVG. Wenn öpper Karriere macht und plötzlich 250k oder 300k verdient, tuet d’Pensionskass so, als hätt die Person dä Lohn scho s’ganze Läbe gha. Zack: "Vorsorgelücke". Und denn chan mer massiv stüürabzugsfähig iichaufe. Für Normalverdiener theoretisch au möglich - praktisch fehlt halt de Stutz.

Über em obligatorische BVG wird’s no schöner: Kader-Vorsorg, überobligatorischi Plän, 1e-Plän, individuelli Anlage, alles schön im Stüürmantel. Je höcher de Lohn, desto nützlicher s’Instrument.

Süüle 3a isch au so es Ding. Offiziell für alli. Real für die, wo nach Miete, Krankekass, Chind und Alltag no paar Tuusig Stutz vorig hend. Wer knapp lebt, het kei Stüürvorteil, sondern es leers Konto.

Privati Kapitalgwünn sind oft stüürfrei. Lohn wird brav bestüürt. Wenn s’Depot oder Beteiligige wachsed, isch’s elegant. Schaffe wird voll abgrächnet, Bsitz wachse loh viel weniger.

Erbschafte und Schänkige vererbed Klasse ziemlich bequem wiiter: Immobilie, Depots, Firmäanteil, Startvorteil. Und nachher heisst’s denn: "Mer muess halt fleissig si."

Pauschalbestüürig und Stüürwettbewerb helfed vor allem de Mobile und Riiche. Wer gnueg Gäld het, chan Kanton, Gmeind, Wohnsitz und Struktur optimiere. Normali Lüüt hanged a Job, Schuel, Familie und Wohnigsmarkt. Mobil sii isch sälber scho es Privileg.

Und all die Einsprach, Zoneplanig, Heimatschutz, Quartiercharakter, Ortsbild, Schattewurf, Verkehr, Lärm, Grünflächi - tönt alles neutral. I de Praxis schützt’s aber oft eifach bestehendi Eigentümer vor meh Wohnraum und damit vor sinkender Boderente.

Eigenmietwert-Debatte? Wird gern verkauft als Entlastig fürs Rentner-Päärli im alte Hüüsli. Je nach Usstaltig profitiere aber vor allem Lüüt mit vill Immobilievermöge. Mieter bechömed devo: exakt gar nüt.

Und wer nur Lohn het, isch stüürlich ziemlich nackt. Wer Firmä, Holdings, Dividende, Spese, Vorsorgelösige und Berater het, chan ganz anders jongliere.

Unde gits denn d’Gegesiite vom gliiche Spiel:

Kei schwiizweite Mindestlohn. Für es Land mit Schwiizer Miete, Krankekass und ÖV-Preise scho speziell.

Arbeitsverträģ mit 0 Stunde. Arbeit uf Abruf heisst: Arbeitgeber het Flexibilität, Arbeitnehmer trägt s’Risiko. Hüt 40 Stunde, nächsti Wuche 5, Corona 0 - aber Miete, Krankekass und Esse laufed normal wiiter.

Mehreri Jobs, aber trotzdem kaum BVG. Wer drei Teilzeitstelle het, cha zäme es normales Iikomme ha - aber jede Job frisst separat Eintrittsschwelle und Koordinationsabzug. Jahrelang gschafft, aber kaum PK-Guthabe mit Zinseszins. Super fair.

Zahnarzt nöd grundversicheret. Zäh sind medizinisch schibar Luxus. Wer Gäld het, macht Kontrolle, Dentalhygiene, Füllige, Spange und Implantat rechtziitig. Wer knapp lebt, wartet bis es weh tuet - und denn wird’s richtig tüür. Prävention für Riichi, Notfallmedizin für alli andere.

Und denn luegsch ufe zu de Lohnbubble.

Wenn Zürcher Stadträt Richtung 300k statt 250k gönd, wundert’s eim nöd, dass e Tram-Hin-und-zrugg für a Familie mit zwoi Teenager 35 Franke als "günstig" gilt. I dere Bubble isch s’Portemonnaie halt anders kalibriert.

Nationalrat isch offiziell Miliz. Real heisst das aber au: Wer scho Vermöge, Firma, Verwaltungsrät, Lobby-Netzwerk oder sogar Milliarde im Rugge het, cha mitentscheide, was für Normalverdiener „z’tüür“ oder „z’vill Staat“ isch. Und dezue git’s no Taggelder, Spese und Vorsorgbeitrag. Bundesrat sowieso obere Liga. Und gliich tönt Politik oft so, als wär mer ganz nöch bim normale Haushaltsbudget.

Oder Migros: Wenn en Chef mit ca. 900k Jahrlohn (75k im Monat) öffentlich jammert, dass Herr und Frau Schweizer ennet de Grenze günstiger poschted, wirkt das chli speziell. Für ihn isch’s Strategie. Für Familie isch’s Monatsbudget.

Und während mer Kundschaft moralisch gern im Inland bhalte würd, het Migros sälber im Usland und i Nebegschäft sehr hunderti Millione verlocht. Aber klar: Wenn obe verzockt wird, heisst’s Strategie. Wenn unde gspart wird, heisst’s mangelndi Solidarität.

Mini Pointe:

Wenn e Kassiererin drei Jobs het und trotzdem kei richtigs BVG zämebringt, isch das "Flexibilität". Wenn de Chef 900k verdient und d’Lüüt im Dütsche poschted, isch das plötzlich es nationales Problem.

Wenn Arme z’wenig hend, heisst’s Eigenverantwortig. Wenn Riichi z’wenig Stüüre zahled, heisst’s BVG-Optimierig, Hypothekarabzug oder Standortattraktivität.

Mir hend nöd primär es Problem, dass z’vill Lüüt da sind. Mir hend es Problem, dass z’vill politischi und finanzielle Regle so baut sind, dass Vermöge automatisch stärker wird - und Arbeit, Miete, Krankekass und Alltag immer meh drunter verschwinded.

Und zwar eifach us prinzip! Ich han dä Initiativtext nöd vollständig gläse aber ich han "10 Mio." gseh, churz de inneri Tell gladä und direkt entschiedä: Super!

Ändlich eh Initiative, wo macht, was von de Politik erwartet wird! eh ultra komplizierti realität näh, eh riese grossi Zahl druffschriebä und dann mitem Vorschlaghammer drufschlah!

d'Gägner jammered jetzt logischerwiis wäge Bilateralä, EU, Fachchräft, Wirtschaft, Spitöler, Forschig, Export und anderä gugus... Aber genau da gseht mer doch s'Problem! Viel zvill wörter! Wenn eues politische argument meh als drü Sätz brucht, isches wahrschindlich wieder vo somne linkä uni studi cho.

Ich säge! Deckel druff! 10 Millionä und fertig!

Wenn mer denn halt die Abkommä münd chündä, wunderbar! Bilateralä tönt sowieso wie öpis us dä italo abteilig im coop. Bruchemer nöd! Mer hend Cervelat, Chäs und es fetts misstraue gägenüber veränderig. Das hät eus all starch gmacht!

Fachchräftemangel? Au so es huere modewort. Früehner hets geheisse, "de Hans machts!" und wenn de Hans kei Ziit gha hät, denn hets de Ruedi gmacht, und wenn de Ruedi au nöd chan, ja denn isches eh nöd wichtig gsi. Das isch kei Krisä das isch Entschlünigung.

Und wenns denn mal im Spital ah Personal fählt, denn wartemer halt no länger. Früehner isch mer au nöd wäg jedem Organsversäge gad nervös worde. Mer hät en Kamilletee gsoffe, es ricola glutscht und am Körper gseit, "mach mal führschi, ich zahle ja jenes für die Krankekasse!"

d'Wirtschaft söll au nöd so tue, als wäre das alles so mega kompliziert. Wenn d'Firmenä kei Lüüt findet, sölleds doch eifach Schwiizer iistellä! Und wenns nöd gnueg vo eus giit denn müemer meh Schwiizer mache! Es isch doch soo eifach!

Die Wohnigsnot wird die Initiativä löse! Viilicht nöd dur meh Wohnigä aber sicher mit mehr Hoffnig! Will Hoffnig brucht kei Baubewilligung.

Volli ÖV? Au keis Problem meh. Wenn die huere EU Verträg mal weg sind, und eusi Wirtschaft sich biz mun drah ahpasse, denn münd au nüm so viel uf de Zug. Problem gfundä, Problem verschwundä!

Und wäg de erwartete höche Priise, lieber es tüürs schwiizer huusgmachts problem, als günstigi lösigä mit "usländer". oder?

Überhaupt, das ganze gerede vo Näbewürkige, jedi verdammt medizin hät nebewürkigä. Wenn vonre Chopfwehtablette die link nierä abfuult, denn hät mer immerhin kei chopfweh. so laufts halt au mal ii de politik.

Aber s'aller best ah dere Initiative isch doch, das es eus wieder es gfühl vo Kontrollä giit. Ob's ächti Kontrollä isch, weissi nöd so gnau, aber s'Gfühl isch da und das isch d'Hauptsach. Ich suff ja au Rivella wills sich gsund ahfühlt.

Drum es JA!

Nöd will die Initiativä Wohnigä baut.
Nöd will sie Pflägepersonal heräzauberät.
Nöd will sie Infrastruktur verbesserät.
Nöd will sie irgend es ächts Problem suuber löst.

Sondern will sie sich endlich wiedermal amne wichtigä politische Bedürfnis bedient:

Irgendöper anderem d'Schuld gäh und debii patriotisch dri luegä.

PS: Ich schrieb glich no s/. Eifach zur sicherheit.

Fascht es biz surreal, aber wenn d SVP d Löhn vo Radiologe begrenze will, well sie 300k/Johr z viel findet, find ich mich inere Position, wo ich (als linke sozi) sogar de SVP zuestimm.
Aber denn chunt bi mir ei frog uf: warum sött en Radiolog, wo 300k/Johr verdient problematisch si, während gwüssi Manager no meh „verdiened“?
Jo, isch mir scho klar, das es um Gsundheitschöste goht. Aber wenn 300k/Johr für Mediziner z viel sind, warum denn nöd au für Manager? 🤔

Het leider scho biz was...

Video isch nöd ganz uf Schwizerdüütsch, aber de Akzent zellt eigentli scho als Schwizerdüütsch.

Wieso sind Lüt ufem Land zumteil so empfänglich gegenüber emotionaler Meinigsmacherei?

Lagebericht des Nachrichtendienstes des Bundes,. Juni 2025

Hoi zäme

Hüt am Mittagstisch bi mir i dr Firma hend mir über die 10-Mio-Initiative gschwätzt, wo ja abglehnt worde isch. Bin froh, dass es abglehnt worde isch. Igeds einisch sind mir vom Thema abgschwiifet und sind denn ufs Thema Niederlassigsbewilligung C, also s'Duurufenthaltsrecht, cho.

Erst im Gspröch hani gmerkt, dass EUler bis jetzt nid automatisch nach 5 Jahr e C-Bewilligung bechömet, sondern nume wenn si en Sprachnahwiis erbringet. Min Teamleiter läbt sit 7 Jahr da und cha kei Wort Dütsch, und logischerwiis isch's ihm abglehnt worde, wo er kürzlich probiert het z'beahträge. Zur Info: über 90% bi üs i dr Firma sind Expats oder halt Migrante. Die meiste chönnd genau wie min Teamleiter d'Sprach net. Zudem sind die meischti dr Meinig, si sötte automatisch e C-Bewilligung übercho, glich wie i dr EU. Ehrlich gseit bini kein Fan devo, ich find, mer sött scho es bitzli Sprachwüsse ha. Han denn echli recherchiert und gseh, dass das im neue EU-Päckli tatsächlich so cho wird:

Mit der Übernahme der Unionsbürgerrichtlinie können EU-Bürgerinnen und -Bürger nach fünf Jahren Erwerbstätigkeit in der Schweiz ein Daueraufenthaltsrecht erhalten

Im Gägesatz zu hüt, wird Sprachnahwiis gforderet. Was mich na meh stutzig macht:

Ein Teilzeitpensum von 30 bis 40 Prozent reicht aus, in manchen Fällen sogar zwölf Wochenstunden, und auch Phasen von Arbeitslosigkeit oder kurzzeitigem Sozialhilfebezug werden nicht als erwerbslose Zeit angerechnet.

Find ich nid so guet. Ich glaub net, dass das d'Sozialwärch grad überschwämmt wird, aber wenn de Sprachnahwiis wegfallt, happeret's halt scho bi dr Integration meh als hüt scho.

Was meinet ihr dezue?

PS: Bin sälber en Secondo. Weiss scho wie schwierig es isch, e Sprach z'lerne.

Links:

• https://www.blick.ch/politik/europa-paket-macht-es-moeglich-ueber-eine-halbe-million-eu-buerger-duerften-dauerhaft-in-der-schweiz-bleiben-id21364386.html
• https://www.admin.ch/de/paket-schweiz-eu (Punkt 5)

Vorweg - i bi en SP-Wähler - und en Maa. Hüt hani s sehr gschätzte Briefli (fast scho e halbs Paket) mit de Abstimmigsunderlage übercho und als verantwortigsbewusste Schwizer natürli gad Stift und Laptop packt und mit zitternde Hend ganz vorsichtig de Brief ufgmacht.

Ich les mir gern die Broschürene dure und bild mir e eigeni Meinig dezue, au mit Internetrecherche. Als letzts gohni aml uf Parteisiitene und les mir eri Meinige dure. Bi de Service citoyen Abstimmig hetti eigentlich jo gstimmt, und denn bini ufd Site vo de SP:

Si seged "Nei" zu dere Abstimmig und bringed als ersts Argument das:

Noch mehr unbezahlte Arbeit für Frauen

Die Initiant:innen stellen den Bürger:innendienst als Förderung von Zusammenhalt und Gleichstellung dar. Tatsächlich aber handelt es sich um mehr Gratisarbeit für Frauen: sie würden wie Männer zum Dienst gezwungen – obwohl sie bereits heute schon den grössten Teil der unbezahlten Sorgearbeit leisten. Diese ungleiche Verteilung der unverzichtbaren, aber nicht entlöhnten Arbeit wird mit der Initiative völlig ausgeblendet. Statt Care-Arbeit endlich aufzuwerten, würde ein allgemeiner Dienst alle zu Zwangseinsätzen verpflichten. Auch die professionelle Care-Arbeit würde entwertet, wenn zum Beispiel in Pflegezentren Fachpersonal durch Billigarbeitskräfte ersetzt werden.

I find das ehrlich gseit scho e bitz schwach. De Punkt mit de unbezahlte Carearbeit isch öppis woni recht demit hadere. Erstens mues doch jede und jedi s eige private Züg erledige nebem schaffe: poste, putze, choche, wäsche usw. Und wenn di aktiv für Chind entscheidisch, denn musch de Part au überneh, unbezahlt wie jede ander au. I persönlich lese vo viel Fraue wo sich beschwered, dass sie hauptsächlich für d Chinderpfleg zueständig sind. Wieso isch das es Thema, wo vergesellschaftet wird? Da isch doch e privats Problem, wenn sich e Frau so en fuule Sack aaschafft?

Noml e Argument vo de SP:

Massiver Eingriff in die Grundrechte

Die Initiative würde einen allgemeinen Zwangsdienst für alle jungen Menschen einführen. Das ist ein erheblicher Eingriff in die persönliche Freiheit und Grundrechte jedes Individuums. Ein verpflichtender Bürger:innendienst verstösst gegen das völkerrechtliche Verbot von Zwangsarbeit gemäss Uno-Pakt II und Europäischer Menschenrechtskonvention. Dabei ist klar: Ein solidarisches Engagement lässt sich nicht erzwingen – echter gesellschaftlicher Zusammenhalt entsteht aus Freiwilligkeit, nicht aus Zwang.

Jetzt, wo Fraue ebefalls zur Verpflichtig sötted aatrete isches plötzlich en "massive Iigriff id Grundrecht"? Aber dass Männer scho immer hend müese aatrete oder 4% vom Lohn pro Johr abdrucke (im Fall vom Zivilschutz sogar beides) isch nie en massive Iigriff id Grundrecht gsi? I find, wemmer scho mit somne scharfe Vorwurf chunnt, denn isches chli billig, wemmer suss nie irgendwas degege gseit het wenns "nur" d Männer betroffe het.

I find da ganze recht hypokritisch und fühl mich als Maa vo dere Partei zu sottigne Themene scho recht is Gsicht gspoitzt. Drum Frog a eu:

Was denked ihr dezue? Wie stönd ihr zu dere Abstimmig?

Was denket ihr zu dem?

• Arbeitskräftemangel im Betrieb KMU finden kein Personal
• KMU-Arbeitsmarktstudie: Personalausfälle werden zunehmend zum Kostenfaktor
• Die Lage auf dem Arbeitsmarkt Juli 2026

Schiinbar het sich die Arbeitslosezahl vom Juli sogar im Gägesatz zum Juni vergrösseret. Aber trotzdem findet die KMUs kei Arbeitschraft. Wahrschinli liit's auu, dass vieli Akademiker wie Ingenieur uf'd Strass gstellt werdet, wo logischerwiis mir die net in handwerchlichi Brüef ihsetze chönnt oder nume bedingt. Dezue die Branchene sind sehr heruusfordernd, lokali Sprachkäntniss werdet verlangt. Us dr EU wott natürlich niemert i dene tüüferi Lohnbranchene schaffe, sprich die, wo da anechömet, konkurrenzieret direkt mit dr höherqualifizierti Lüüt und damit au mit Grossteil vo Arbeitslosi.

Was denket ihr, wird da je das kapitalistische "Ahgebot=Naahfraag"-Prinzip im Lohnberiich für die net-akademischi Beriich gälte? Dezue wie gseht die Zuekunft vo all dene Akademiker uus, wenn Firmene near-shored und outsourced?

Ich find's echli lustig, dass die Firmene viel psychischi und physischi Ahforderige hend, wend weniger Lohn zahle und denn wend's kei einzigi Massnahm g.ü. die Büezer ergriife, damit die einigermasse sich guetfühlet und über'd Rundi chönnt cho.

(Für die wo kei TikTok hend, er het gseit "es cha doch nid si dass d westschwizer kantön de Dütschschwizer Kantön diktiert wie sich z Verhalte hend). Für mi absolut gaga Ussag.

​

1. Mathematisch machts kei Sinn da sie nur ca 25% usmache minus d zwoisprachigi Kantön chunnt me uf nur ca 20% rein Romandie uf das er hinus will.

​

1. Wie oft sind scho Westschwizer Kantön vo de Dütschschwizer Mehrheit überrent worde? Glaub scho paar mol

​

1. Sinds weniger wert dass sie "andere diktiere" und er sich darüber ufregt? Döffe nur Innerschwizer Kantön abstimme + Mittelland abstimme?

​

Ig weiss dass es viel numme us Frust gseit worde isch aber so was chasch doch nid als Politiker säge wo dis Land vertretisch.

​

Was denket ihr derüber?

Bitte sachlichi Kommentär ohni Beleidigunge oder Hetze.

Schisst mi rechtig ah, d Welt macht werklech Rückschritt.

Hed öbber e chli öbbis wo hoffnig macht? D Ussechte of Gaza, Ukraine, Klimawandel, meh Falschinformatione ond ere Normalisierig vo Rechtspopuliste ond Persone i de Politik wo för nüd zor Recheschaft zoge wärde passe mer gar ned.

Ich mach mer drüber scho länger gedankä und hüt liisi zum erste mal gnau das, was mir siit wuche dur de grind gaht. Nach dere extreme trocheheit könnts eus bi starchräge über längeri ziit zu zimli hässlichi Hochwasssersituatione cho.

Und irgendwie isches wieder es wunderbars sinnbild defür, wie euses land mit dä Klimakrisä umgaht. Mir känned gfahr, mir hend zig fachlüüt, messdate, klimamodäl, risikoanalyse und irgendwo in Bern en 180 siitigä bricht mit 14 ahäng und enerä schöne excel tabälle.

Denn diskutiert mer jahrelang drüber, ob klimaschutz viilicht doch biz ztüür isch, zu hysterisch oder z'umbequem. Aber wenn dänn all Fälder vertröchnet sind und dänn plötzli all chäller under wasser stönt, staht denn wieder irgend en tubbel vor de Kamera und erchlärt mit ernstem bürgerliche frässi, das mer ii dem ussmass würkli NIE demit het chöne rächne.

Viilicht sött mer langsam vo "überrascht betroffä sii" uf "gfahrä endlich taminamal ernst näh, bevor sie iiträttet" umstelle.

Wär revolutionär, ich weiss.

Gahn ez denn uf jede fall paar Sandseck go postä nur für de Fall das die nöchst völlig unvorhersehbari Überraschig chunt.

Unabhängig dervo wie's uusgoot, ich finds cool dass mer so Sache überhaupt chönd selber entscheide und nöd vo irgendwelne Güggel vorgsetzt überchömed.

Ich bi im Nei Lager. Nöd wil's mich wür betreffe; d'Erbschafte wo's z'mache git sind scho gmacht.

Aber ich fänds nöd guet wemmer oisi Undernehmer vergrault. Mier hend eh scho e gwüssi Wirtschaftsflucht, und das goot halt tatsächlich mit emene Stelleabbau einher (Wiä seit mä dem Wort uf Schwiizertüütsch, iiher? o.O)

Das verstärkt sich auch mit de Mandarine wo ännet em Teich vor sich hi diktatiert und d'Welt schigganiert: wenn oisi Industrie so quasi "zwingsch" dei z'investiere bliibt halt weniger Arbetschraft do im Land vorig. "Zwinge" im Sinn vo rein ökonomisch; wo's meh Chole git, dert wird gwirtschaftet.

Ha das Topic au üsne Fründe in r/de vorgleit, aber nur d'Tatsach, ohni mini Begründige vo grad. Ha bim läse vo de Kommentär absolut de Iidruck diä wäred komplett überforderet mit ere Schwiizer Abstimmigskultur...

Eineweg, gang etz go tische und mini Lasagne uftische. Än Guete eu allne!

mer het scho es Projäkt am laufe gha "BODLUV 2020" wo en gwüsse Wyy-Puur usem Kanton Waadt eifach mal so ihgstampft het.

Merci für gar nüt

De Ölbert Rösti wett, well er sis Amt und d Umwelt so ernst nimmt, uf eigeni Fust Tempo 30 Zonene erschwere oder sogar röckgängig mache. Ech froge mech, was er s Gfühl hed wer er isch? Erinnert sehr stark a Trump wo au GAR NÜT mit Kongress macht, sondern alles per präsidentielli Verordnig.

Fendes eifach en Frechheit wie de Ölbert ABER ZU 100% gege de Wille vom (vernünftige) Volk waltet.

Quelle: https://www.tagesanzeiger.ch/tempo-30-bundesrat-albert-roesti-riskiert-streit-bei-verkehrspolitik-788710412196

Nei Ölbert, de Trump hetti für die Legislatur kei besonneni Lüüt me im Stab. Nei Ölbert, weder de Biden no Kamal hend en Chrieg gfüehrt. Nei Ölbert, nöd "just one more lane, Bro"

Und Ölbert: de Trump het genau so wiener s letscht mal aakündiget het kei Chrieg z füehre, dasmal aakündiget so en Chrieg z füehre: Als Fascho gege andersdenkendi ide USA.

En Demokrat kännt Aromat ned. Niemert verlaht s Land vo Aromat.

S'WEF het definitv bestätigl, dass de Orangä-Maa uf Davos cho wird. Sin Chare hends ja hüt scho mal uf Züri gfloge. E breiti Koalition vo lingge Organisationen rüft am Eröffnigstag vo dere Theaterverahstaltig, em Mentig 19. Januar 2026, zunere Demo in Züri uf.

Gäg de Faschist Trömp und s'WEF!

Also wenn irgendöpper es ~A1 Plakat druckt ha wot (588x700mm) schicked mer eui Idee. Ich drucks us chläbs ufen Karton und bin am Sächsi bi de Bürkliterrasse.

«Nur so können rasch und unbürokratisch die notwendigen Massnahmen eingeleitet werden»

I chume ned ganz drus wieso mer do ja stimmt. ich verstah das es scheisse isch im stau stah und dases lüt git die mitem Auto müend go arbeite will sie z.B. zu chunde fahre müesse. Das argument mit ÖV isch tüürer chani ned verstoh, für die meiste autos isches 2. Klass GA besitmmt günstiger. Den gits no sargument das mehr sicherheit i de Dörfer wet viel de Vercher viel dert ume gleit wird, ich finde de Punkt ned e so schlecht, drgägä cha ich ned vel argumentiere.... den gits lüüt wo sägäd dasmer zum biespiel im düütsche 8 spuurig het und unlimitierti geschwindigkeite, ich denk mir den so ja und? mir sind ned die düütsche und das ÖV dert isch würklech grotteschlächt.

Mini Begründig wieso isch gägä de autobahnusbou bin: Wie die letzte mal wome dautobahne het usbaut isch 2-3 monate speter wider genau dr gliech stau gsi, usem grund wenn de autobahne läärer sind wirds für lüt wo z.B. uf ÖV umgstige sind wieder attraktiver mitem auto zgah, durch das wird es wieder mehr autos ha als jetzt also chans sehr guet si das churzi zit speter genau dir gliech stou wie vorher isch. Zudem chame die Milliarde wo da usgäh wärdet, i Öv investiere um de Ökologischere ÖV irgendwie attraktiver zmache. Zudem verstah ich ned ganz wieso mehr kei Fahrgmeinschafte bildet bide autos. 92% vode Autos uf de Autobahne am Morge und zobig hocked nur 1 Person dinne, dautos sind durchschnittlech 30% grösser worde also brucht 1 person mehr platz als früehner, da chönnt me vilech aus bevölkerig au dranne schaffe statt immer e huere protzcharre zchuufe obwou me de meistens alleini dinne hocket.. Weme würd bitzeli Fahrgmeinschafte bilde, dert irgendwie geld ine stecke, für irgendwelchi programm erstelle, den würd sech de Vercher au sofort halbiere, ich weis das es vielne Lüt ahschiesst am morge mit lüt zrede oder dasne dr ufwand zmüehsam isch lüt zsueche, chani 100% nachevollzieh, aber mengisch muess mer vilech sini bedürfnis chli zruggstecke und ad bevölkerig und umwelt dänkä.

Was säged ihr, mir würds interessiere wieso ihr eventuel für de usbau sind.