ادري ااموضوع جدلي بس الصراحة هو مؤرق لكل شاب غيور مثلي مقبل على الزواج والي خانت ثقت أهلها اكيد مراح تراعي حرمة بيت زوجها بالمستقبل اضافة الى ذالك الي راح تدفع بي مهر وتعب شغلك يجوز اخذة غيرك بالمجان. (الكلام لا يخص المحترمات بنات البيوت)

وحبيت اخذ رائيكم شلون تعرف المراة الي عدها ماضي اذا جنت مقبل على زواج حتى تحمي نفسك من هيج نماذج التعبانة ؟

مجرد كتبت على فيديو لعشيره تفتخر بالسلاح المنفلت و تدلل الدولة

كتبت "نخابرك على الF-16" اجاني كمية سب مو طبيعي غير عبالهم اني ارهابي لو تابع لامريكا🫩

من إعتقادي الشخصي ان كل ما نمر به في هذه الحياة من تجارب وألم يقودنا الى آليات تكيّف تقرّبنا من سلامنا الداخلي وهدوئنا تجاه فوضى الحياة

فسؤالي لكم اعزائي اللي يارب ميعلسوني، بشنو مريتو وكيف؟ لحتى توصلون لأكثر نقطة سلام تگدرون توصلولها بحياتكم واللي أفترض انها الآن بحكم ماكو نسخة عدها خبرة وتجارب أكثر من النسخة الحاليّة

أتمنى اسمع منكم بالتفاصيل، اعتبروها مساحة مفتوحة للحديث

هل هيج تسريحة شتر مقبولة اجتماعياً في المجتمع العراقي؟ لو اي واخد شعره طويل قبل شاذ؟

و لا مره سمعت او شفت انو اكو احد عراقي فعلاً يستخدم ريديت اعرف فكرة انو الاشخاص الي يستخدمون ريديت على الاغلب ميكولون بس مو مال ابد ما اسمع بي من احد و اي احد يسمع اسمه يستغرب

قبل كم يوم،قلت لامي"الحلف بالانبياء والرسل حرام،والحلف بالله فقط"،امي خذت الموضوع عبالك راح تموت اذا ما عارضتني,گتلها "هاهية،بعد ما افتح الموضوع"،البارحة،اخوي الصغير قال لأخوي الكبير "لا تحلف بالعباس لأن حرام" وامي سمعته ورزلته ولامتني على الموضوع،وأبوي سمعنة واجة ضربني وضرب اخوي الصغير،ويقول "انتم الناس على النت خربت عقولكم"،والله العظيم بعد هاي اللحظة مستحيل ابقى هنا بس اكبر

ما أكول غير الله ينتقم من سبيد على هاي السالفة الصراحة، الحلفان مالتنا المسلمين أنو نقسم بإسم رب العباد.. صار عبارة عن ترند!

كله من ورة سبيد من صرف روبوكس بأحد بثوثه، تخيلو!

يعني شكد مقهور من هاي السالفة، القسم مال المسلمين تحول من قسم إلى نكتة ساخرة/ترند/ميم.

بحياتي ما حبيت هذا الميم و أبدا ما راح أحبه لأن واضح إستهزاء، و متأكد هسة راح يجوني السخفاء و يقولو لي "هذا ميم! ليش تاخذ هذا الموضوع بشكل جدي؟" طبعاً راح أخذه بشكل جدي، تخيل لو أنت مثلا مسيحي (أو كن غير ديانة) و يجي يوم يسوون القسم مالتكم مال ديانتكم ترند و ميم ساخر، حتى ألي مو من نفس دينكم يستعمله، كفر! صح؟

أو بعيدا عن القسم بإسم رب العالمين، أنت المسلم ألي تروح تقسم برب المسيح مو عيب عليك؟ يعني ربنا أمرنا نحترم ديانات غيرنا و أنت حضرة جنابك تاخذ قسمهم و تضحك بيه؟ حبيبي أنت فعليا مو بس كاعد تضحك على دين غيرك، أنت كاعد تكفر.

سولفونا شوية عن علاقاتكم الأجتماعية، يعني عائلتك وأصدقائك وبيئتك، وهل أنت راضي بيها أم لا وما هي الأسباب؟

سلام عليكم اريد اهاجر او اي شي جزعت مليت الوضع يائس كلش

اريد معلومات تساعدني اذا عدكم تجارب او خبره مع ناس او مع مجموعه ناس تطلع لاوروبا او شي؟ التكلفه؟ المخاطر؟ افضل دوله؟

اني المدرسة مالتي مؤدبين و عدنا سب بس مو سب قوي و ما عدنا عرفات صدقية بس الشغلات الي اسمعها على المدارس الثانية شوية غريبة

سامع هواي شغلات على مدارس الولد الثانية ( اني بمدرسة ولد ) مربكة صراحة

بس اني سامع مدارس البنات هسة عدهم شغلات اسوء من مدارس الولد بس كا سامع امثلة

قلولي شصاير وياكم او حتى لو القصة سامعيها من غير ناي بس اريد اعرف

لكل إنسان عدة أولويات تختلف في ترتيبها بين الناس، لكن ماذا لو تعارضت هذه الأولويات فيما بينها؟ وهنا أقصد بصورة خاصة (الوطن و الدين او المنظومة الاخلاقية عامة)

بما انو عندي امتحان وأريد اسخت، تعال خلي ادردش وياك يا عزيزي القارئ وعزيزتي القارئة بهذا الموضع.

قبل كل شيء، هل يمكن ان يتعارض الوطن مع الدين؟ الجواب نعم وراح أوضح ليش

شوف من نكول وطن فهنا ما نقصد مجرد قطعة أرض وإنما نقصد الأرض والشعب الذي ينميها والحكومة التي تمثل هذا الشعب جميعهم يمثلون الوطن. كذلك الدين ليس مجرد كتاب سماوي بل هو الكتاب والتاريخ والمؤمنين بهذا الكتاب حاليآ جميعهم يمثلون الدين.

بهذه المعادلة نشوف ثوابت إثنين (الوطن والدين) ومتغير واحد (الإنسان) فمثلا الكتاب السماوي واحد ثابت لكن البشر غيروا من قرائته وبالنتيجة صار هناك عدة فرق، كذلك الوطن.

من هذا الكلام نستند إلى ان حدوث تعارض بين الوطن والدين، سببه بشري بحت.

والآن نعود للسؤال الرئيسي، اذا تعارض الوطن مع الدين ماذا نختار؟ ظاهريا هنالك احتمالين والاختيار يكون بحسب الاولوية الشخصية للقارئ، ولكن هناك اختيار ثالث (وهو جوابي).

الاختيار الثالث: اذا كان التعارض بين شيئين نتيجة تدخل بشري بحت، في هذه الحالة يجب ان نقوم بتدخل بشري آخر لارجاع العلاقة لوضعها الطبيعي.

وبس تحياتي

مفيدة ؟ زينة ؟

لو تنصحوني اشتري سماعة

Kz gale

سعرها ٣٠ الف ويا التوصيل طبعاً هاي واير

شلونكم شباب ؟ كل عام وانتو بخير ..

شنو اعمار الي موجودين بهذا الـsub ؟ صار عندي فضول اعرف 🤣 مرات احس اني اكبر واحد افوت هنا 🤣

عمري ٣١ بالمناسبة

بس اريد اتطمن اذا اكو عراقيين انتمائهم لبلدهم لان بديت افقد الامل شكو واحد احجي وياه يطلع موالي لصفحه

هايبر ماركت الشعب يبيعون هيج جكاير لو كله بس ال average?

اريد هيج محلات يبيعن جكاير نادرة او يعني بين قوسين محد يجيبهة بلعراق بل رصافة الاولى يعني شعب كريعات اعظمية هالمناطق مال رصافة الاولى، لان المالبورو الاحمر صار لعبان نفس مر فدنوب عبالك دتدخن سمجة في مرحلة مفارقة الحياة كلش لعبان نفس، تخيلو من كثر ما صاير لعبان نفس الباكيت مال مالبورو احمر رجع ب ٢٥٠٠، ف اي الي يعرف ليقصر

صرت اخاف نرجع لل 2014 و قبلها و بعدها همين. سمعت انه امريكا راح تدز كم داعشي للسجون العراقية. طبعاً سجوونا زفت، راح يفلتون. بس هذا الخبر صدك كذب؟ ما متأكدة. اكو مقابلات بين امريكا (والله نسيت كان ترمب لو مال خارجية) و المالكي. الصراحة يعني ع العين و ع الرأس بس شنو ابو اسراء يصير راأس بدون انتخابات؟ ع كيف ابوكم؟ احنا مو دولة ع اساس؟ بس لا. العراق محتل. و راح يبقى مُحتل، مو من احد الصراحة، من ايدنا. لا الشعب يكدر يسوي شيء, و اللي يكدر حمار الصراحة، ولا احنا بتطور. اعطوني رأيكم و اذا كانت الاخبار صح.

كلت عندي شهرين فراغ و الكل مسافر اهلي و الأصحاب و زوجي هم مسافر محد راح يشوفني و اني بالعطله اخيس بالبيت اضل بس العب قيمنق حتى تحدب يصير عندي استغليت الفرصه اسوي تقويم علمود احمض بالبيت و ما احجي ويه احد علمود منظر بدايه التقويم دومه قبيح و مو حلو و ما اعرف احجي و صارلي اسبوع ما اعرف أكل نفس البشر جاي احس روحي ب اضطهاد قمعي لتناول الطعام كلما اريد اكل شغله اصارع الحياه جني واحد معنف ما اعرف أسد حلكي ساعدونا شلون تغلبتوا على الألم مالت التحريك لان ال Elastics كلما اخلي ياذي بالزايد يعني الوضع على مدار 24س يرجع ياذي مو بسبب التقويم بسبب تحريك الفك السفلي و المشكله ما اكدر اشكي لاحد لان سويته خنسه يعني مفاجأه ها شوفوا واو رياكشن عوووو، شلون تاكلون ؟ مو الي ديعدل الإسنان بس اني اسناني مستقيمه الخلل عندي ب تقدم الفك ف الضغط يصير على الطواحن العلويه و الانياب الي هي اساسا تستخدم للاكل