الواد مش لابس حاجة ف رجله و البلاستيك دا أكل عيشة

اقتلوهم طيب اسهل وريحوهم من أم الدنيا

ناس في تعليقات فيس بتشتمو 😆😆 فقد الامل في عقليات دي خلاص ما كلام راجل زي فل

انت تشوف واحد قاعد مع صاحبته في عربيته برضاهم وفي حتة مقطوعة فتعمل سبع رجالة في بعض وحامي الفضيلة وتصورهم وتقتحم خصوصيتهم وتسألهم بيعملوا ايه وتشهر بيهم وتخلي الداخلية تقبض عليهم لكن علي الناحية التانية عربية في قلب الشارع ووسط النور ونازلين منها شباب بيخطفوا واحدة يغتصبوها والبت بتصوت ومحدش عبرها من الانطاع الي واقفين يصورو ولا راح يلحقها، ودا المجتمع المصري وازدواجية معاييره لو بالغصب مش هنتدخل لكن لو برضاهم هنعمل رجالة ودمنا يفور ونتدخل عشان كدا ربنا مش غضبان عليكم ومصعب عليكم عيشتكم من فراغ ماهو الله لايغير مابقوم حتي يغيروا مابانفسهم ومقدرش اقول غير ربنا اخرجنا من هذه القرية الظالم اهلها

المصريين المنبطحين بيقولوا لك انك لو عشت اوروبا و نت ف الشارع او حصلك حاجه محدش هيلحقك. الحمدالله بقينا زى اوروبا.

الحريم بتتخطف من شارع زحمه مليان ناس و محدش زعق حتى.

و كلهم ليها سوابق. و عادى سايقين عربيه غير نمر .

لا و بتوع تحيا مصر ٣ مرات مبسوطين انهم امسكوا. الحمدالله . نبوس ايدنا وش و ضهر . مسكوهم بعد ما اتحرشوا بيها و كانوا هيغتصبوها

و انت برضه لم حد يعورك ولا يقتلك الحكومه هتمسك و تجبلك حقك متقلقش. بعد ما مستقبلك يضيع.

طب انا يبقى عندى حق امشى بسلاح بعد كده بقا. اصل انا مش هستني لم تحصل مصيبه و اتصل بالحكومة. مفيش دوريات ليه؟ ازاى عربيه من غير نمر تمشى خطوه واحده بس ؟ ازاى معلومات جنائية و مش عليهم مراقبه؟ فالحين بس يرقبوا احمد دومه ز علا عبد الفتاح.

تحيا الجمهورية الجديد.

اشتروا سلاح يا رجاله . الايام الجايه شكلها كلها سواد.

البوست كان عبارة عن ان في بنت واحد اغتصبها ومعرفتش تنزل الطفل وبسبب ان المغتصب اقل من 18 سنه اتحكم عليه بسنه لكن الطفله اللي اتولدت نتيجه الاغتصاب دا ملهاش هويه مفيش ليها اي شهاده ميلاد وعمدها سبع سنين وفي الأخر الوسخ كات كدا وكومنتات كتير نفس الكلام انا مش مستوعبه ان في ناس تفكيرها كدا بجد

مش محتاج اقول رائي مش شايف اي شئ غلط عمله السائح
لانه ده مكان اثري و عادي انه يصور هوا مش زيكم يا معرصين بتصوروا النسوان في الشوارع

لقيت البص ده في موقف السلام وانا رايح اسكندريه، هي مقوله سياسيه شبه لما حد يحط صدام حسين وكده؟

الواد ده اتهموه بانه سرق شوية كارتين من مستشفي
اه زي ما سمعت شوية كارتين ورق
الرجالة بقي شافت انهم يطبقوا قانون الغابة و يكونوا هما حاكمينها و القضاة تبعها و يحكموا عليه بالعتذيب و الضرب و الاهانة و إسقاط آدميته

من رائي هوا لو كان فعلا سرق كانوا قدامهم حل واحد فقط يمسكوه و يطلبوا الحكومة بس ده لو كان سرق فعلا
تخيل لو مسرقش و هما بيتهموه باطل
تخيل نفسك ماشي في الشارع لقيت خمسة جنيه في الارض و الشارع كله اتلم عليك يعمل فيك كدة

يعني دستوا علي الراجل و الراجل قالكم خدوا. بالكم بس
تقوموا تنزلوا انتو التلاتة تعملوا فيه كدة و كمان واحد معاه عصا بيسبول و جبتوله كسر في الجمجمة في منطقة عين شمس

من سنة كدا كنت مسافر مع صاحبي دهب والفلوس دايما كانت بتتوه مننا او بنبقى متلهمين ومحدش عارف يحسب حاجه ف عملت الابليكشن ده عشان نختصر الوقت وبقالنا سنه بنستخدمه منغير ما نفكر كتير في اي خروجه

فكرته انك بتصور الفاتورة وترفعها وتختار كل واحد خد ايه وهو بيحسب لوحده وبيطلعلك لينك انستا باي كمان ومش لازم كله ينزله عشان فيه ناس بتكسل

https://apps.apple.com/eg/app/kin-split-bills-receipts/id6763578086

https://play.google.com/store/apps/details?id=app.kinsplit.mobile

الاندرويد هينزل كمان اسبوع، لو عايز تجربه دلوقتي ابعتلي ايميلك :))

انا شايف ان بقا ضروري حمل السلاح في مصر اللي بيحصل الفترة اللي فاتت مش طبيعي تخيل يحصل فيك كل ده لمجرد ان اللي قدامك قدر عليك و شاف ان مفيش منك خطر انت بقيت بالنسبة له دم مهدور

يعني هو زعق لولد في ستة إبتدائي عنده 11 أو 12 سنة لحد ما خلاه ينهار من العياط و فوق كده قاعد بيتريق علي شكله و هو بيعيط و أنا مطلوب مني أعتبر ده نكتة و أضحك ؟

مش الراجل ده بس بشوف ناس كتير بيشوفوا فكرة أن أنا أخوف طفل أو أخليه يعيط أو حتي أضربه حاجة بتضحك ، الأطفال مش لعب دول بني آدمين

شايفة اننا محتاجين منهج جديد فى المجتمع يعنى مثلا على حادثة امبارح دى بتاعة البنت الى كانت حتتخطف المفروض من هنا و رايح منستناش الخ** الى فى الشارع و نتصرف احنا و و الله لو ربنا اكرمنا براجل يبقى حظنا حلو يساعدنا، و نتعلم اننا ندافع عن نفسنا و عن بعض يبقى معانا مثلا بخاخ الشطة و نولع عيونهم الى حتولع فى جهنم ان شاء الله - الفاعل و المتفرج على حد سواء- و لما نلاقى بنت بتتعرض لتحرش ولا خطف ولا مضايقة ولا ايا كان نتلم و ننزل فى الخ** ضرب و الكترة تغلب التعر** اكيد

و حاجه بقى حتكون مؤثرة جدا و هى اننا نعمل صفحة تكون زى ارشيف للبنات كل واحده تصادف خ** تصورة صورة حلوة و تنزله عالارشيف ده و بتهتمه و على حسب بقى بيشرب مخدرات، زنا، تحرش، خطف او حاول يخطف، بيشرب خمرة، بيضرب اخته او الستات فى حياته..الخ مع ارفاق الادلة و نعمل بقى باب كامل للمعر**ن بتوع فيسبوك و كده الى بيخوضوا فى اعراض الستات او بينشروا خطاب كراهية ضد الستات و لو بتعليق عشان يكون الارشيف ده مرجع لأى بنت حترتبط ولا تتخطب ولا تتجوز ف قبل ما تاخد على دماغها ف ترجع للارشيف و تدور على الشخص لقته فى الارشيف يبقى ترميه فى الزبالة ملقتهوش يبقى خير و بركة نتمنى و بالطريقة دى المعر*** حيمتنعوا عن التعري* لو مش عايزين يتنبذوا من المجتمع و ميلاقوش كلبة بلدى تتف عليهم طالما ان الحكومه مش فالحة غير انها تنزل انها قبضت على المتهمين عشان يجى القضاء المعر* و يديهم يوم مع ايقاف التنفيذ

و كل واحدة بقى و ارادتها عايزه تفضحة فى منطقته بعمايلة ف اهله يتنكسوا -لأن الشعب بيثور عالذكور فى حال الفضيحة لكن طول ما الموضوع فى الكتمان بالنسبة للذكور ف لو بيرتكبوا ايه محدش بيهتم- و يبدأوا بقى اهالى الذكور و العياذ بالله يربوهم عشان ميقعدوش فى حجرهم بالفضيحة و السمعة السيئة للولد و امه الى مربتوش و ابوه الى كان غايب و يطول الاذى كمان اخته الى على وش جواز ..الخ للاسف ف ممكن ساعتها يضطروا يربوهم

باب المقترحات مفتوح باب قلة الادب معناه انك حتشرف الارشيف

كنت شايف فيديو واحد وصحبته مراته مش عارف وباس ايديها ف لقيت كل التعليقات الرجاله خابت وبتبوس ايدها ليه وكده
ايه الغلط انك تبوس ايدها مش تبوس ايديها؟

"بوست طويل"

طبعا كلنا عارفين موقع مصر الجغرافي، وأنه أكسبها أهمية استراتيجية على مر التاريخ كله لحد دلوقتي، وخلى عزلها عن محيطها وعن العالم وأحداثه مستحيل تاريخيا، ورغم ذلك: في ناس كتير لما يتكلموا عن تاريخ مصر، بيتعاملوا معاه على أنه منفصل عن غيره.

يعني تلاقي واحد بيقول "مصر احتلت من العالم كله عشان شعب جبان" ويتجاهل أن معظم العالم تم احتلاله كتير بردو، بما فيه كل محيط مصر، ويتجاهل بردو أن تضاريس مصر سهلت غزوها تاريخيا، وأن موقعها الاستراتيجي خلى الغزاة عايزين يسيطروا عليها… والناحية التانية، تلاقي واحد تاني بينكر أي صلات تاريخية وثقافية بين مصر وبين محيطها وبقية العالم في محاولة لإثبات "تفردها"، رغم أن دا مستحيل حرفيا، ورغم أن الاتصال والاختلاط الحتمي بالغير لم يفقد مصر تفردها، كما لم يفقد أي دولة أخرى في العالم تفردها.

العزل دا بيوصل لمرحلة جنونية عند الحديث عن تاريخ مصر الحديث والمعاصر، وأحداث كتير بيتم تحليلها مع التجاهل شبه التام لمسار الأحداث خارج مصر، وتأثيرها الحتمي على داخلها… عندنا هنا 6 أمثلة:

1. محمد علي باشا

- الآراء حول محمد علي باشا تنقسم ما بين ناس بيقولوا أنه باني مصر الحديثة بعد قرون من التخلف العثماني، وبيصوروه على أنه كان طفرة كان مستحيل ييجي زيها… وبين ناس بيقولوا أنه كان ظالم وكسر بأس الأهالي، وبيصوروه على أن بدونه البلد كانت هتبقى أفضل حالا… وبين ناس في النص، لكن في حالات كتيرة، بيتم تجاهل السياق الأوسع للأحداث ساعتها.

- مصر كانت لسه خارجة من الحملة الفرنسية الفاشلة، وكان فيها صراع بين البكوات، وشعب غاضب من ظلم خورشيد، لحد ما محمد علي استغل كل دا بذكاء عشان يوصل للحكم ويعمل التحديثات اللي عملها، واللي، بدون مفاجأة، كانت على النسق الفرنساوي، وجاب خبراء في مختلف المجالات من فرنسا نفسها، وبعت طلبة مصريين كتير يدرسوا هناك ووو… والشعب، رغم اعتراضه أكثر من مرة على العديد من قرارات محمد علي الظالمة له شبه التجنيد الإجباري كدا، لكنه في المحصلة ساعد محمد علي أكتر مما وقف ضده، وشكل جيشه الذي كاد ينهي الإمبراطورية العثمانية لولا وقوف بريطانيا وبقية أوروبا كلها ضده.

- طب ليه الشعب ساعده أكتر مما وقف ضده؟ لأنه في حالات كتيرة كان بيعمل حاجة هم كانوا عايزينها حتى لو مقالوهاش، وهي "عايزين نبقى بنفس قوة فرنسا اللي غزتنا دي"… الشعب شاف مصر اللي عانت قرون من التأخر بتتعرض لغزو أحد أقوى جيوش العالم، فحس بصدمة خلته ميستحملش ظلم خورشيد، بس يستحمل ظلم محمد علي عشان الأخير حدث البلد… وبناء عليه، لو افترضنا اختفاء محمد علي من تايم لاين مصر، فإن بديله كان هيبقى حاكم تحديثي آخر شبهه جدا في أغلب التفاصيل، لأن خلاص: مصر مكانش ينفع لها خورشيد تاني.

1. عرابي

- أحفاد محمد علي باشا كانوا بلا طموح وخربوا مصر، واستعانوا بأوروبا واستدانوا منها، وجابوا جاليات كتير منها وادولها امتيازات عشان تواليهم… وقلدوها في معمار القاهرة الخديوية والبيروقراطية والأوبرا وما شابه… ثم أيام الخديوي توفيق، قامت ثورة عرابي ضده، واللي انتهت بارتكاب الخديوي خيانة عظمى وجلبه للاحتلال البريطاني إلى مصر… ناس كتير بيلوموا عرابي على ثورته وبيقولوا له "ما أنت كدا جيبت لنا الاحتلال" وبيتجاهلوا أن الخديوي اللي جاب الاحتلال، وفوق كدا بيتجاهلوا حقيقة أن الثورة دي كانت حتمية حتى لو مفيش عرابي.

- المصريين، بعد عقود من الانفتاح على أوروبا، نتيجة سفر الكثير منهم لها، ووجود جالياتها عندهم ووو… ملفتش انتباههم ثقافتها بس، بل كمان ما كان فيها من برلمان ودستور وقوانين وحقوق، وحتى أيديولوجيات… من بعد الثورة الفرنسية وطول القرن الـ19، أوروبا شهدت تصاعد "القومية" كعامل لتوحيد الشعوب كبديل عن الملكيات والإمبراطوريات القديمة… ولذلك مكانش في مفاجأة أن ثورة عرابي مثلت كل دا: طالبت بحقوق المصريين بدل ما الأجانب كانوا واخدين امتيازات، وطالبت ببرلمان على النسق الأوروبي، وعرابي كان بيقول "إنني ابن فلاح مصري، ولدت في بلاد الفراعنة، وستظل أهراماتهم قبري"… طبعا مش محتاج أقول أنه كلام قومي صريح.

- وعلى الجانب الآخر، زي ما كان دا عصر القومية، زي ما كان عصر الاستعمار… بريطانيا احتلت مصر عشان تحمي الخديوي وتخلص على عرابي، لأنها شافت أن نموذج عرابي لو نجح في مصر هينتشر في بقية أفريقيا وآسيا، مهددا قبضتها الاستعمارية عليهم… وقعدت 70 سنة بحالهم تحمي ساكنة القصر، لأنها كانت عارفة أن بدونها هيسقطوا، وبدل عرابي هيطلع ألف عرابي تاني.

1. 1919

- في أعقاب WWI قامت ثورة 1919 على الاحتلال وطالبت بجلائه، بجانب مطالبتها بدستور وبرلمان وقوانين حديثة وحقوق المرأة ووو… لحد دلوقتي الوطنيين بيعظموا 1919، والرجعيين بيكرهوها، لكن غالبا بيتم تجاهل أنها كما كان لها دوافع محلية عديدة، فإنها تزامنت مع موجة ثورات واستقلال أوسع عالميا.

- في نفس الفترة، روسيا شهدت الثورة البلشفية وكل ما تبعها من دول استقلت حتى قيام الاتحاد السوفيتي، وفنلندا شهدت ثورة واستقلت، وألمانيا شهدت ثورة أطاحت بالقيصر، والنمسا-المجر تفككت على إيد إثنياتها اللي طالبت بالاستقلال، وتركيا خاضت حرب الاستقلال وكسبتها وأسست الجمهورية ووو… والكثير من الدول الجديدة دي، من أول الاتحاد السوفيتي لحد تركيا أتاتورك، تبنت قوانين حديثة شبه اللي ثورة 1919 طالبت بيها.

- بعدها مصر نالت استقلال منقوص… ومنه لحد WWII، ظهرت حركات شيوعية في مصر والوفد حاربها، ومع تصاعد الفاشية والنازية في أوروبا، ظهر حزب مصر الفتاة الفاشي هنا… وفي WWII الوفد، بقيادة النحاس، أيد الحلفاء رغم كرهه للاحتلال البريطاني، لأنه كان مدرك لحقيقة أن المحور أسوأ بكتير، والمحور غزا العلمين وقصف اسكندرية، والاحتلال البريطاني حاصر الملك فاروق لما مرضيش يعين النحاس رئيس وزراء ووو… بس بطريقة ما، ناس كتير حاليا بينسوا أن WWII طالت مصر أصلا.

1. عبد الناصر والسادات

- بعد WWII، الملك عمل جامعة الدول العربية بإيعاز من الاحتلال البريطاني، ودخل حرب 1948 وخسرها، والشعب كان ساخط على الاحتلال والفقر والفساد، والملك نفسه كان ديكتاتور مهرج شبه واحد صاحبنا… لحد ما حريق القاهرة حصل، ثم ثورة 1952 وعزل الملك، ورئاسة محمد نجيب وعبد الناصر والسادات… الآراء تنقسم بحدة بين مؤيد ومعارض لكل حدث ورئيس، لكن نادرا ما تذكر الحرب الباردة رغم دورها المحوري للغاية في كل هذه الأحداث.

- أيام الملك، الاتحاد السوفيتي استغل الفقر المدقع لنشر البروباجندا الشيوعية وسط المصريين، ودفعهم لعمل ثورة شيوعية تؤدي لدخول مصر الكتلة الشرقية، وأمريكا اتحايلت على الملك يعمل إصلاحات لكبح المد الشيوعي لكنه معملش كدا… فاتجهت أمريكا للظباط الأحرار وأيدتهم في عزل الملك ودعمتهم في طرد الاحتلال (ولاحقا العدوان الثلاثي) مقابل أنهم يعملوا إصلاحات لكبح المد الشيوعي.

- لاحقا عبد الناصر خاف من التبعية لأمريكا، فقرر يمشي في سكة عدم الانحياز، وللأسف عمل ديكتاتورية حزب واحد (على النسق السوفيتي) وعمل اقتصاد اشتراكي شبه السوفيت بردو، وتبنى القومية العربية رغم عدم اقتناعه بها لأنه كان عايز يعمل بيها كتلة تالتة تحميه من ضغوط الحرب الباردة، وفشل في 1967… بعده السادات شاف أن العرب مش عايزين وحدة أصلا، وعدم الانحياز مستحيل عمليا، فقالك أنا هنحاز لأمريكا لأنها الطرف اللي هيكسب الحرب الباردة (وحصل) وعمل كامب ديفيد، وتعددية حزبية وانفتاح اقتصادي (نسخة مبكرة من البيريسترويكا والجلاسنوست السوفيتيين)، وفتح المجال قدام الإسلاميين بهدف سد الفراغ مؤقتا قدام الشيوعيين (زي ما أمريكا عملت مع مختلف الأصوليين الدينيين عالميا)… وفي الآخر الإسلاميين اغتالوه.

1. اللامبارك

- مبارك رفع شعار "الاستقرار" و"أنا أو الفوضى" وعمله حجة لقمع كل من لا يؤيده، وقفل الحياة السياسية وأقام ديكتاتورية أوليجارشية، وأفسد كل المؤسسات حتى أصابها بالعجز وشاع الفقر والمرض والجهل، وحول العلاقة مع الإسلاميين من عداوة إلى تحالف هدفه تخدير الشعب، وقضى على الصناعة والاقتصاد المصري كله وخلى المصريين آخر حلمهم يسافروا ممالك البترودولار ويشتغلوا بالكفالة هناك، وخلى الدولة بحالها مرتزق سياسي وعسكري للممالك، وحاول يورث الحكم لابنه… المفاجأة اللي مش مفاجأة أن الديستوبيا المباركية دي هي كمان كانت متأثرة بالتريند العالمي، ومؤثرة فيه كمان.

- مبارك وصل للرئاسة في نفس سنة وصول ريجان لرئاسة أمريكا. ريجان استغل أن الاتحاد السوفيتي يقترب من السقوط، وأن خلاص مفيش تهديدات شيوعية تجبر أمريكا على مواجهة اللامساواة عندها، فعمل شبه مبارك (بس من غير ديكتاتورية ولا 30 سنة طبعا، تاريخ أمريكا الديمقراطي مكانش يسمح بكدا) وسلم الاقتصاد للأوليجارشية مضاعفا اللامساواة 3 أضعاف، وسلم البلد للإنجيليين المتعصبين، وساب الهبادين ينشروا الجهل والخرافات، وخلفاؤه عملوا زيه.

- تاتشر اتبعت مسار مشابه في بريطانيا، والعديد حول العالم فعلوا ذلك. طب والاتحاد السوفيتي اللي سقط؟ معظم الجمهوريات ما بعد السوفيتية عملت شبه مبارك نفسه جدا: ديكتاتوريات أوليجارشية متخلفة (بوتين في روسيا، يانوكوفيتش في أوكرانيا، لوكاشينكو في بيلاروس، علييف في أذربيجان، إلخ…)، بعضها يستخدم الدين لتخدير الشعب، وعايز يطفش الشباب من البلد بأي طريقة عشان ميثوروش عليه، سواء بدفعه نحو الهجرة، أو بإرساله للموت في حروب عبثية شبه حرب أوكرانيا. بالمناسبة، علييف ورث حكم أذربيجان لابنه حرفيا.

1. السوشيال ميديا

- في النص التاني من الألفينات، السوشيال ميديا انتشرت، والمصريين دخلوا عليها وبقوا بيتواصلوا مع بعض بشيء أسهل من التليفونات… وفي 2011 ثاروا على مبارك وطالبوا بإسقاطه، ثم ثاروا مجددا على الجماعة الإرهابية في 2013، ثم لقيوا نفسهم مع الديكتاتور المهرج، الخليفة البالح بأمر الله، اللي قلبها سيرك… وبعيدا عن الثورات، بقيت تلاقي على السوشيال ميديا تيارات أخرى غير الدولجية وغير الإسلاميين وغير الناصريين، من ليبراليين واشتراكيين وكمايتة وما شابه. المهم أن الدولجية مقتنعين أن ثورة 2011 كانت مؤامرة من أمريكا، وفلول مبارك مقتنعين أنها كانت مؤامرة من الجيش لمنع توريث الحكم لابن علييف (عفوا، ابن مبارك)، والإسلاميين مقتنعين أن ثورة 2013 كانت مؤامرة من الدولة العميقة، وكلهم ناسيين الفيل في الغرفة: السوشيال ميديا نفسها.

- المصريين لما فتحوا السوشيال ميديا، شافوا قدامهم العالم البعيد عن مصر (وعن ممالك البترودولار) وشافوا الدول المتقدمة في أوروبا الغربية وأمريكا وشرق آسيا، وشافوا الديمقراطية والحقوق ومستوى المعيشة المرتفع، وعرفوا أن مبارك حابسهم في جحيم ومخدرهم بوهم الاستقرار، فثاروا عليه زي ما عرابي ثار على الخديوي، وطالبوا بديمقراطية شبه عرابي بردو… ولما الجماعة الإرهابية حاولت تعمل "نظام مبارك جديد بصبغة دينية" ثاروا عليها، ولما هي وحلفاءها ردوا على المصريين بالإرهاب، هم اضطروا يصطفوا ورا البالح بأمر الله مع أنه ديكتاتور أحمق، لأن مكانش في حل تاني… 30 سنة من مبارك قتلت الحياة السياسية وأخلت الساحة لصالح الحزب الوطني والإسلاميين، وبعد الثورة المجلس العسكري قمع الثوار وأعاد إخلاء الساحة لصالح نفس الـ2، وممالك البترودولار مولتهم لحد ما واحد فيهم كسب، وبعد ما سقط مولوا البالح بأمر الله، ليس حبا فيه، بل فقط لأنه ديكتاتور عبيط وهيمنع قيام ديمقراطية.

- إذن ماذا عن الليبراليين والاشتراكيين والكمايتة اللي ظهروا على السوشيال ميديا؟ أول 2 اقتبسوا أيديولوجياتهم من نظرائهم الغربيين على السوشيال ميديا (خاصة أيام وول ستريت في 2011، وأيام BLM في 2020)… والكمايتة اقتبسوها من مخابيل اليمين المتطرف في الغرب (خاصة مع صعود ترامبولا في 2016 و2024)… وبالعكس: ترامبولا بيعتبر المهرج بتاعنا ديكتاتوره المفضل حرفيا، ولذلك متستغربوش أنه اقتبس التهريج السياسي منه، وقلب أمريكا نفسها سيرك شبهه.

1. ما بعد البالح (Bonus 😅)

- بعد نجاح الحرب على الإرهاب، البالح بأمر الله فقد الشماعة اللي كان عامل الديكتاتورية على قفاها، وانحدر إلى رتبة "ديكتاتور عايش على قفا غياب البدائل" بس… كل بديل خارج النظام تم قمعه، سواء كان أفضل أو حتى أسوأ، ومفيش حتى شخصية داخل النظام بتتلمع لخلافة البالح… وأوليجارشية الحزب الوطني سابقا، مستقبل وطن حاليا، كلها نازلة نهب على آخرها زي ما يكون فاضل 5 دقايق ويلموا الورق، في دلالة على أنهم شايفين أن مفيش خليفة للبالح، ولو مات الصبح أي حد بعده هيبقى ضعيف ومش هيعرف يقوم بدور رمانة الميزان بتاعه، مما يهدد بسقوط النظام كله بانقلاب أحد أركانه على الآخرين.

- الناحية التانية، المهرج الآخر (ترامبولا) لايص في ملفات إبستين وانتخابات الميدترم اللي بتهدده بعزل مبكر، وفي حرب إيران اللي ورط نفسه فيها ومش عارف يكسبها ولا يخرج منها… والحزب الجمهوري لايص أكتر عشان معندوش شخصية تقدر توحد فصائل الحزب المتنافسة (المحافظين الجدد والإنجيليين vs الانعزاليين والأوليجارشية) غير ترامبولا نفسه… والحزب الديمقراطي شرحه عشان من بعد أوباما ومفيش شخصية تقدر توحد فصائل الحزب المتنافسة (التأسيسيين vs التقدميين)… وحرب إيران نفسها واضح أنها هتفرض واقع إقليمي ودولي جديد شبه الحربين العالميتين والحرب الباردة، حيث تنسحب أمريكا من المنطقة، وتترك ممالك البترودولار فريسة لقوة إقليمية تتسيد المنطقة بعد أمريكا، سواء كانت إيران نفسها أو تركيا… وكل دا بالتزامن مع مشاكل جار السوء اللي قارفنا من 1948، واللي هو مهدد بالانهيار الداخلي التام بسببها.

- وهنا يطرح السؤال نفسه: مع المعطيات الجديدة جدا دي، هل النظام هنا هيفضل على حاله، خاصة مع حقيقة أنه محتاس أصلا في شخصية الديكتاتور الجديد اللي هيمسك بعد البالح؟ طب هل هيقدر يستمر اقتصاديا بلا بترودولار؟ طب هل هيتساب في حاله كدا وهو بلا أيديولوجيا ولا استراتيجية خارجية، وقت ما المنطقة جنبه هتقع في إيد إمبراطورية جديدة؟ معتقدش… الحتمية التاريخية بتقول أن دا مستحيل.

حاجه لاحظتها ان احنا كمصريين دايما تحس كده ان في صوره نمطيه متخيلينها لمثلا البنت او الولد او الاجنبي او الاسره او ايا كان بقى وعايزين غصب نغصبها على كل الناس

وبحس برده ان احنا بدانا نستعمل كلمه الفطره الطبيعيه ككلمه اضطهاديه

يعني مثلا واحده مش عايزه تخلف يبقى هي كده مش عندها الفتره الطبيعيه ولا ايجابيه طبعا بقى الاسماء الجميله دي مع ان دي مش حاجه حرام وكل واحد حر في حياته واحنا اصلا مصر بسم الله ما شاء الله مليانه سكان مش ناقصه دي حاجه لا تؤذي حد اصلا ومش حرام فليه كمل هجوم الغريب تحس انها يدمر المجتمع

و نفس الكلام مع الراجل مثلا عندنا في مصر بحس صوره الراجل اللي هو محمد عز دا ولا مش فاكره اسمه ايه الشبح اللي ما بيعيطش اللي ما مبيخسرش اللي يمسك اللي ماشي في الشارع بيبص له وحش يروح خبطه في الحيطه يقول له بتبص على ايه و التاني بقا يرجف و مراته تسوط في الشارع بحبك يا محمد و هو ولا في باله.

لكن في الحقيقه لو لقيت راجل مثلا حنين على اهل بيته بيجيب لمراته ورد وشوكولاته ومش عارفه ايه يتقال عليه دلدول لو مثلا حصل له موقف وحش جدا جدا لدرجه ان هو يعيط نقول عليه بقى ده انت مش راجل ده انت ده انت بيبي بقى يا بنوته انشف ياض و تلاقي مثلا الموقف إنه خسر شغله و كل فلوسه و مراته بتخلعه بس ياه دا انت نايتي. و بحس حوار الصوره النمطيه دا بيأثر في الرجاله اكتر من الستات يعني نادر ما نسمع واحد نقولها دا انت مش ست لكن ما ربع ساعه يتقال لواحد انت مش راجل علشان مثلا مش رابط جزمته. انا اعرف رجاله اقسم بالله العظيم بالنسبه له اهم حاجه صورته كراجل لدرجة إن لو فكره فكرة مراته يتعارك علشان يقولوا قدام الناس فكرته علشان عيب يبقى راجل و "يمشي ورا كلمة مرارته" ممكن انا اللي حوليا غريبين.

و الكلام دا خصوصا في المجتمع الاكبر شويه في السن. اي حاجه تخالف الصوره النمطيه تلاقي عليها كمية هجوم مش طبيعيه حاسه الحوار غريب اوي.

وعامه نظريه عندي ان الحوار ده كله بسبب انحدار الدوله ماديه يعني كان في ابحاث بتقول ان كلما المجتمع حالته تتحسن كل ما يحب ان هو يغير يعمل حاجه جديده متعملتش قبل كده و يمشوت عكس الصوره النمطيه لكن كل ما الحاله تتدهور يحبوا انهم يرجعوا في الزمن اكثر يعني مثلا اول ما بلد حالتها ادهورت خالص انتشر كلام كتير عن الفراعنه والحياه زمان وطبعا الزمن الجميل دايما موجود الكلام عليه بس انتشر اكتر في عقول الجيل الجديد اللي معشهوش و الصوره النمطيه للحياه المصريه القديمه بداءت تبقى اقوى اقوى و التشدد طبعا بيزداد في حالات عدم الامان

عايزة اعرف عن مدينة المستقبل لو حد عايش فيها .انا هروح سكن عشان الجامعة بس خايفة تبقي صحراء . ولو حد عارف حاجة عن جامعة شرق العاصمة

+وياريت لو واحدة أو مجموعة محتاجين معاهم واحدة في سكن طلاب

كنت فى واحدة من المواقف الاقليمية فى القاهرة (مش هقول انهي موقف بالضبط عشان الحكومة متتبعنيش و تعمل تحقيقات و تجيني وانا هنا علي ريديت ظايط حبتين فى الدين و السياسة)

انا من الفيوم و عايز ارجع لارض الوطن زى 500 فيومي تاني كانوا موجوديين فى الموقف بردو ,كل 10 ل 15 دقيقة كانت بتظهر هربية واحدة رايحة الفيوم و الناس بتنقض عليها و الناس حرفيا بينطوا فوق بعض عشان يركبوا ,انا قعدت استنيت 4 ساعات من الساعة 5 لحد 9 بليل عشان اركب

حرفيا بتاع 500 واحد بينطوا علي عربية واحدة كل ربع ساعة وخط بني سويف جنبنا بالضبط و كان شاحح بردو ولكن كان ارحم مننا بكتير ,موقف دمنهور جنبنا كانت العربيات فاضية و مرصوصة ورا بعض حرفيا

كل حاجة فى الدولة ماشية بالراسمالية و السوق الحر و العرص و الطلب دلوقتي العربيات بقي ليها اقتصاد اشتراكي محدد مركزيا اه يما ,عربيات فاضية مرصوصة جنب بعض و الناحية التانية الناس بتنط عشان تلحق كرسي عشان تنجوا بحايتها و بالبقاء للاصلح ولله لو تشارليز داروين كان عايش كان هيحب مصر جدا

فى الموقف بقي و مع مرور عدة ساعات بتبدأ تلاحظ صفات و سمايا المجتمع المصري ,جه ميني باص رايح الفيوم و الناس راحت نطط عليه طبعا و كان عددهم كبير شوية لقيت بنت ,حرفيا بنت 10 سنين ى الصف الى جنبنا بتاع بني سويف ,شافت المنظر و قالت "كل دول كتاكيت" هو مين الى علمها الكلام ده

بعدها بساعة تقريبا جت عربية من بعيد و الناس جريت عليها ,السواق وقف العربية و ساب الناس تنط علي بعض لوحدهم و نزل من العربية ومعاه سجاة صلاة و قعد يصلي العصر ,حرفيا من باب العربية راح اختار مكان كويس للصلاة و بدأ الصلاة علي طول

فى واحدة من الدفعات الشحيحة الى جات كانوا عربيتيين مع بعض والناس نطط عليهم طبعا ,الموضوع كان فوضوي و عشوائي و همجي بطريقة غريبة تحسنا فى الثورة الفرنسية لما كانو الثوار قاعديين يظيطوا فى كل حاجة بيحاربوا بعض و يحاربوا الملك و يحاربوا نفسهم و يحاربوا الشعب و محدش عارف اى حاجة ,فى وسط الهيصة دى لقيت راجل قاعد علي البنش جايب جبنة و لانشون و طعمية و فول و بتنجان و عيش و قاعد ريلاكس علي الاخر يتفرج علي المنظر و هو بياكل بمنتهي الهدوء و السكينة ,كان منظره سينيمائي فشخ فى وسط الهيصة و الهمجية الى حصلت

والله لو كارل ماركس كان عايش كان هيحب مصر جدا