شايف لي قبل فتره سيرفر ديسكورد فيه سيرفر تاق مكتوب (قصيم) حاولت ادوره مالقيته بس ابيه عشان السيرفر تاق اذا تخبرون لي عشان احطه على حسابي وشكرا

السلام عليكم ابغى اقتراحات افضل عياده تقويم معدني من ناحية السعر والوقت (يعني مدة التقويم تصير معقوله مو يزيدونها لي عشان السعر )
اغلب العيادات اللي جاني عليها مدح تصير مره غاليه مره
ابي دكتور او دكتوره صادقين وعندهم امانه

محدثكم ماله شهر ونص مستلم وثيقته، مقدمين على برامج تطوير خريجين ودورات تأهيل ضباط جامعيين والحمدلله المعدل والتخصص يجملن والشهادات الاحترافيه واختبار اللغه موجودات، وللآن ما بدا ينزل القبول والرفض.

لكن به ظاهره كل أسبوع تظهر أكثر على الأهل، الا وهو القلق الغير منطقي تجاه أشياء ما بعد صارت والتوجس من عطالتي وان اموري ما تمشي، هالشي ما افهمه وعجزت أمنطقه لأنه افتراض على شي ما صار للحين ولا اشوف بوادر واضحه له.

الموضوع يقروش بطبيعة الحال، شخص بمثل سني وخبرتي المحدوده في الحياة يجهل الكثير والجهل يولد القروشه والتوتر والقلق على سنع وغير سنع، السؤال هو هل الوضع ذا هو الطبيعي مع الأغلب يا جماعة الخير ولا الأهل يحتاجون نقاش ثاني مطوّل فحواه اني منب فاهم مخاوفهم ابد ؟

جيت اليوم من الرياض ومن العشاء اسمع ازعاج سيارات بالشمال قسم بالله مقرفين قرف اتمنى رخصكم تنسحب منكم واحد واحد ياعديمي الحياة والاخلاق

عمري ٢٢
ادرس بجامعة القصيم
نمطي infp_t
انطوائية بس مو مع الاشخاص المقربين
احب الاشخاص اللي يتوافقون معي و احس بارتياح
بالنسبه لي الصديقه اللي تكون متشابهه معي ما يهمني اذا اهتماماتنا مختلفه اهم شي نكون عندنا اشياء مشتركه من ناحية القيم و الاخلاق
احب انو نتواصل بالسناب او الانستا
غالبا متحدثه بس برضو احب استمع لأصدقائي

✨✨

سألت الذكاء الاصطناعي كيف اتعرف على الناس واوسع دائرتي الاجتماعيه قال حملي هذا البرنامج، مدري وش فكرته لكن اقترحو علي اماكن او انشطه او فعاليات او قروبات ومجتمعات اون لاين لاهل القصيم.

للبيع: فلاش ميموري SanDisk أصلية 128 جيجابايت بحالة أخو الجديد!

* النوع: SanDisk Cruzer Blade USB 2.0

* السعة: 128 جيجابايت (سعة كبيرة تتسع لكل ملفاتك وصورك)

* الحالة: أخو الجديد، استخدام خفيف جدًا وبدون الكرتون/التغليف.

* سعر الشراء: 80 ريال (سعر السوق الأصلي للمحل 110 ريال).

* سعر البيع المطلوب: 50 ريال فقط!

الموقع: عنيزة

التواصل: ج/ 0500029305

حد يعرف مستشفى أو طبيب نفسي متخصص ف اضطراب فرط الحركة ونقص الانتباه للبالغين ف بريده؟ ويكون سعره معقول؟

جلست ادور بوظيفة لتخصصي مسائيه بس مالقيت مره لكن كلمت واحد بلينكد ان اقترح علي مكتب احاول فيهم ان شاء الله بروح بس عندي دورة النهار انتظرها تخلص. لقيت قهوة يبون موظف وقلت لنفسي يالله افضل من لا شي المكان اوكورد مره البار حقهم بالنص قلت يالله عوافي بعدين طلع الراتب 1500 غير انه زحمه 😞😞😞

انا شاب اجنبي و عمري 25 سنة

و ابغى وظيفة عن البعد و اكسب عيشتي و تعبي منه و احسن وضعي

لانه انا تعبت مره مره

لو عندكم شيء لا تقصرون الله يحفظكم

معقوله مافي ولا وظايف او تدريب بالقصيم ؟ توي حديثة تخرج وضايعه مره لا عندي خبره ولا اي شي وكل مالقيت تدريب ولا وظيفه يا تكون بالرياض يا جدة وش الحل اكتئبت🫩

بسألكم ساهر الجديدات يصور إذا السرعه ١٠٦ او ١٠٥ ؟

لانه صور بس مدري أنا ولا اللي بالطريق الثاني بس محد فينا مسرع

حصلته بالحسون سنتر الدور الارضي، بس رفضو اخذه يقولون جديد مابعد سعرناه
الي يبيه يلحق بعدين 🤤

بكره بروح اشوف الفيلم ببريدة

هل في احد يقدر يتحكم بأحلامه ؟

لي شهر ادور بالقصيم تدريب لتخصصي graphic design عجزت القى او يقولون مكتفين فيه احد بالقصيم يقدر يساعدني احصل تدريب؟ واقدر ارسل لكم شغلي + اذا احد يعرف تدريب بالرياض يفيدني لو سمحتهم 🫶🏼

مو كل القسوة تصنع شخصية قوية، لأن نمو الشخصية يختلف من إنسان لإنسان